Jon 3 | Ndebele | STEP | Ilizwi leN kosi laselifika kuJona ngokwesibili, lisithi:

Jonah 3

Ukuphenduka kweNineve

1 Ilizwi leNkosi laselifika kuJona ngokwesibili, lisithi: 2 Sukuma, uye eNineve ^a, lowana umuzi omkhulu, utshumayele kuwo intshumayelo engikutshela yona. 3 UJona wasesukuma, waya eNineve, njengokwelizwi leNkosi. Phela iNineve ^b yayingumuzi omkhulu kakhulu, uhambo lwezinsuku ezintathu. 4 UJona waseqala ukungena emzini, uhambo losuku olulodwa. Wamemeza, wathi: Kusesezinsuku ezingamatshumi amane, khona iNineve izagenqulwa.

5 Abantu beNineve basebekholwa kuNkulunkulu ^c, bamemezela ukuzila ukudla ^d, bagqoka amasaka ^e, kusukela komkhulu wabo kwaze kwaba komncinyane wabo ^f. 6 Ngoba ilizwi lafinyelela enkosini yeNineve; yasisukuma esihlalweni sayo sobukhosi ^g, yakhulula isembatho sayo kuyo ^h, yazimbomboza ngesaka ^{i
,} ^j, yahlala emlotheni ^{k
,} ^l. 7 Yasimemezela ^m yathi kuyo iNineve ngomthetho wenkosi labakhulu bayo, isithi ⁿ: Kakungabi lomuntu, kumbe inyamazana, inkomo kumbe imvu, okuzanambitha loba yini; kakungadli, kakunganathi amanzi ^o. 8 Kodwa kakuthi umuntu lenyamazana kwembeswe amasaka ^p, bakhale kuNkulunkulu ngamandla, yebo, baphenduke, ngulowo lalowo endleleni yakhe embi ^q, lodlakeleni olusezandleni zabo ^r. 9 Ngubani owaziyo, uNkulunkulu angaphenduka ^{s
,} ^t azisole ^u, aphenduke asuke kukuvutha kolaka lwakhe ^v, ukuze singabhubhi.

10 UNkulunkulu wasebona imisebenzi yabo, ukuthi baphendukile endleleni yabo embi ^{w
,} ^x; uNkulunkulu wazisola ngobubi ayethe uzabenza kubo, akaze abenza ^{y
,} ^z.